阿笨扮貞子

今日收到同事send黎既e-mail,係阿笨扮貞子,好好笑...




大家睇睇啦,好爆笑!!

幾經波折, 終於..............

之前起呢個blog到都提過黎緊會同老公出去玩返兩日一夜,依家終於有決定喇,我地決定會同茵姐&烽哥起1/10同2/10去大梅沙玩兩日一夜,酒店會住返"海闊.凌海酒店",而我上網亦都搵過package,有個都幾抵,$680(兩位)包來回九龍塘至沙頭角車票兩張,沙頭角至酒店車票兩張,一晚酒店,個價錢都唔錯,假期黎講唔算貴,原先想起沙田上車,但原來沙田晏晝係無車去沙頭角,所以我地決定會改去九龍塘上車,我地仲問埋henry,1/10果日會係麗豪sunday,所以我地可以返完sunday先出發,好開心呀....

好期待呀,可以假期同好友一齊去玩,亦都可以順便休息,唔錯!唔錯!!

開飯喇 !!!

今日起公司上網搵食譜時,比我發現左一個新既菜式,就係"柱侯薯仔排骨",好易整,同埋需時好快,20分鐘就可以煮好喇,味道都唔錯,老公都話好味,嘻嘻,又成功煮到一味喇,今次真係"老公食得開心,鄭Ming煮得放心".....

是日晚餐:

(1) 柱侯薯仔排骨
(2) 蒜蓉炒翠玉瓜

Alan & May既仔仔 ~ 朗希

今日收到阿May個E-mail,佢send左佢仔仔可愛既相比我,等我post起我個blog度啦,朗希真係好可愛..

日本之夜

嘩哈哈,今晚終於唔駛煮飯食喇,點解?事原今日帶左盒飯返公司食,但我一班好同事誠意邀請我出去食齋,所以我就留低左盒飯起公司,咁我可以就聽日叮返熱黎食,至於我老公聽日食乜,佢都有一盒西炒飯食喎,所以今晚我可以大條道理唔煮飯一晚咁多啦.....

頭先同老公商量,我決定左今晚買壽司返黎食,好耐都無食過喇....好開心...

Get Your Own! | View Slideshow

加送喇喂

今晚小妹如常起屋企煮飯食,但非常感激Jason & Karen去付出比我地,特意拎一盒"葡汁四蔬"去我地屋企,令我可以煮一個送就ok喇,個葡汁四蔬好好味呀,我同老公都讚不絕口...

是日晚餐:

(1) 葡汁四蔬(Karen親手煮,好感動)
(2) 蝦醬蒸肉片

Get Your Own! | View Slideshow

Jason, 生日快樂

今日查經班同Jason慶祝生日,感激Matthew諗左一個好特別既方式去鼓勵Jason....

Get Your Own! | View Slideshow

今日又同Hagio影相喇

今日返Sunday時見到Hagio,著住條牛仔裙,好可愛

朋友, 請坐.......

琴晚係一個好特別既晚上, 可以見返一個離開左教會既弟兄, 老公琴晚邀請左佢上黎我地屋企食飯, 傾下大家既近況, 琴晚再次見到佢既時侯, 外表上既佢同以前無乜分別, 但佢既生命就已經唔同左, 閒談中, 見佢依家都係不斷為著自己既前途去籌算好多, 閒時就起屋企打下機, 過著一個佢認為好既生命, 我同老公都嘗試邀請佢黎今個星期日既主日崇拜, 但佢都一口拒絕左, 我知道今日唔係單憑用我同老公既能力去令佢改變, 而係我地需要去倚靠神, 求神用佢大能既手去幫助呢個人, 希望佢有朝一日能醒悟過來, 去悔改同修補同神既關係........

為左琴晚果餐飯, 放工之後立即去了超級市場買送, 然後趕回家準備, 感激有老公既幫忙, 才能很快完成一個晚餐...

是日晚餐:

(1) 糖醋雞翼
(2) 菜心炒牛肉
(3) 清蒸黃花魚

忙碌的一個下午

好耐都無試過咁忙碌喇,整個晏晝都有好多野做,依家開始要幫老板做出年既Budget,好多數要計同預,我不嬲都最怕計數,計數又唔叻,所以每年呢個時間我都好緊張,閒閒地做一個Budget都要做幾個星期,呢次有排做喇

所以忙之餘,都想抖一抖氣,上黎個Blog度打下野.....舒援下我緊張既情緒....

朋友, 好耐無見

話說老公依家起屋企休息既時侯,佢好想用呢d時間去聽帶學英交,所以佢打左比一位離開左教會既弟兄,問佢借英文錄音帶同書,他岩岩覆返我老公電話,老公還順便邀請左佢聽晚黎我地屋企食飯,談談佢既近況

諗返起以前同呢個弟兄都好熟,佢亦都係我老公結婚時其中一個伴郎,當知道佢決定離開神時,我都覺得好驚訝,唔經唔覺佢離開神都有兩年時間,唔知道中間佢發生過咩事,而呢一刻我都好想佢可以好似bible既小兒子一樣,會浪子回頭,希望聽晚既食飯,可以知道佢近況之餘,亦都希望神會用佢大能既手去改變呢個人,真的好希望

嘩 !! 新形像呀....

嘩哈哈,頭先睇我老公電話裡面既相時,發現左呢張相,這張相攝於茵姐同烽哥屋企,點解佢會起人地屋企包住個頭,咪就係茵姐介紹左我地用呢隻焗油,佢話好好用,所以我老公咪拎左黎試囉,試完佢都話好正,頭髮當堂滑一滑....

鄭Ming廚房, 食左先講

早排Karen黎我屋企煮飯鼓勵我地時, 佢煮左一個豬肉釀豆腐卜, 好好食, 所以今晚小妹決定煮呢味送, 都幾易整喎, 又好味, 一流呀 !!!!

是日晚餐 :

(1) 豬肉釀豆腐卜
(2) 清炒九菜花

伙頭至多Ming

今晚又返左屋企玩煮飯仔喇,哈哈...又係煮我拿手既雞翼同埋早排買多左既莧菜,今日唔知做乜鬼,煮完出黎既味道好似比之前有少少分別,幸好老公都係非常鼓勵地讚"好食呀.....",嘻嘻!!!!

抵食到你唔信呀

話說今日Lunch同班同事去左食齋,之前有同事話呢間齋鋪好抵食,野食唔貴之餘,仲要係好大碟潻,所以今日就同7個同事去試試啦...

好彩小妹醒目一早訂左位,原來間鋪都有好多人去幫襯,大部份枱都係自己公司既人,食物方面真係唔錯喎,我地叫左六個餸,有茄子,五柳仙斑(即係炸芋頭魚!),黑椒豬扒炒米(豬扒做得好似真既豬扒,犀利!),栗米粥(好味!),欖菜炒飯(一流呀!),齋鹵味(超好味!),另外阿姐仲送左兩件蘿白糕,7碗綠豆沙,一碟沙律比我地,食到我地捧住個肚離開,我地咁樣食法,每人只係$25咋,係咪好抵呢!

呢餐真係好好味,搵次擇日重賽....

轉移陣地

早前起度提過下個月會同老公去深圳玩,但基於茵姐同烽哥最後決定唔跟我地去玩,所以我同老公依家決定去澳門玩兩日喇,點解要改地方?係因為我覺得兩個人返大陸玩確實有d危險,我唔係好夠膽...

老公提意去澳門住"聖地牙哥"酒店,佢係一間古堡酒店,全酒店只得24間房,但出入唔多方便,要坐的士,不過都無所謂啦,如果可以住一些咁有特式既酒店,都值得既....

老公仲會問下果邊酒店既人,睇下我地可唔可以有一個優惠價去book房,嘻嘻,希望有啦.....

深圳大梅沙之旅

自從老公整親腳之後,近排既星期六都係起屋企度過,因為無得出街,有見及此,早前同老公計劃左下個月會去深圳大梅沙玩返兩日,日期未定,都要視乎老公下個月六號覆診時既情況,當然我最希望佢真係快d康復啦,其次先諗去玩,仍需大家為佢祈禱....

屆時可能會同埋茵姐和烽哥一齊去,好開心亦好期待....

食奶咀既Hagio

睇Lawrence既網頁見到Hagio呢張食奶咀既相,好得意,所以借來放起我個Blog度,每次見到呢張相,我都覺得好開心....

廚藝獻技

今晚為老公煮左一餐簡單既晚飯,好開心......

(1)黑椒洋蔥豬扒 (2)蒜蓉炒莧菜

俾面派對

今日係Wallace既生日, 我地查經班同埋佢既好朋友琴晚上左佢屋企同佢慶祝生日, 好開心既一晚, 有中醫偉為我地預備既晚飯, 有蟹啦, 蝦啦, 石班啦, 雞啦, 燒味啦, 鮑魚炒翠玉瓜啦, 青椒炒牛肉啦, 涼瓜排骨煲啦, 蒜蓉炒通菜啦, 好好好.......味呀, 實在感激有口福可以品嘗到中醫偉既手勢, 太感動喇!!!

晚飯過後, 就係玩遊戲既時間, Matthew & Pamela預備左近期好Hit既15/16, 我地總共10人, 分開成兩組比賽, 問題當然黎唔開關於Wallace啦, 幸好小妹同Queenie (Wallace細妹)都好熟, 所以對Wallace既事都略知一二, 最後當然係我地呢組勝出啦(我地呢組有我同我老公, 俊明同Joe)

臨走前, 大家都預備左蛋糕比壽星仔, 我地都在一個好開心,好多歡笑聲中低下結束我地呢個"俾面派對".................

鄭Ming & Hagio

每次返Sunday都好想與Hagio黎個合照, 因為佢實在太可愛喇.......

Fellowship Devo

今晚hc好開心有個Fellowship Devo, 我同了Cheryl and Yoni去傾計, 感激可以認識左佢地好多....

另外, 今晚都有兩個study緊既朋友黎到, 一個係Banny's BT - Keith, 另外一個係Anthony's BT - Lesile, 很欣賞Lesile呢個朋友, 主動舉手去感激有弟兄幫佢睇聖經, 明白神, 好耐都無見過有朋友係咁表達同感激, 聽晚佢會計算代價, 希望佢都可以受浸成為我地既弟兄.......

一同慶祝

琴日得知老公考牌成功之後, 昨晚Jason & Karen上我地屋企食飯之餘, 佢地仲特意買左一支香檳上來慶祝, 實在感激可以同佢地去分享我地既開心事...
原先將琴晚既相做了一個slide, 但唔知咩原因post左之後, 再開返自己個blog時, 竟然唔見左個slide, 等我今晚返去再post過啦.....
Jason & Karen : 好感激琴晚可以同你地一齊食外賣KFC同開香檳, 多謝你地時常都付出比我地 :D

老公個電工A牌Pass左喇

今日收到老公既電話, 佢話收到信, 上次佢去考既電工A牌Pass左, Thanks GOD !!!!!!!

新Blog開張了

眼見Lawrene & Jason個Blog整得咁靚, 我都忍唔住要開返過先, 歡迎大家來坐坐同留言啦