悠閒假期

今日難得放假,朝早我地去左屋企留下飲茶,跟住同老公去左新城市行街街,首先我去左偉華中心睇牙醫,順便洗洗牙,之後去左wing yan & wallace屋企度餵魚魚,跟住就去左睇下電器,上到7樓個平台花園,原來今晚有halloween既節目,不過我同老公都無留底欣賞,雖然今日既假期無乜特野做過,但可以同老公一齊,真係好開心喇...

Get Your Own! | View Slideshow

煒翰, 生日快樂 !!

琴日完左sunday去左元朗二哥屋企同姪仔慶祝四歲生日,祝佢身體健康,快高長大,聽聽話話...

Get Your Own! | View Slideshow

昐望

琴日早上送了"他"最後一程喇...

在安息禮拜裡,看見有不同既人來到,有slide show既播放,有弟兄姊妹同家人既分享,雖然眼淚仍然不斷地流下來,亦有好多令人懷緬既回憶,但我知道今日既"他"已經在神的懷抱裡,不再有死亡,不再有眼淚,在天家裡,開開心心,快快樂樂地同神一起...

"他"的生命真係激勵左好多唔同既人,是一個忠心又良善既僕人,但願"他"的生命例子可以影響到佢既屋企人,更希望有朝一日他們都有機會去認識神,同得永生...

明星......

琴晚ministry一齊去沙田有我地既祈禱,感激jonathan預備左"明星"呢首歌比我地聽,一路聽一路令我諗起和"他"一些既片後,很好既一首歌....

<明星>

當你見到天上星星
可有想起我
可有記得當年我的臉
曾為你更比星星笑得多

當你記起當年往事
你又會如何
可會輕輕淒然嘆喟
懷念我在你心中照耀過

* 我像那銀河星星
為你默默愛過
更讓那柔柔光輝
為你解痛楚 *

# 當你見到光明星星
請你想 想起我
當你見到星河燦爛
求你在心中記住我 #

真的學會了

呢幾日經歷左一個好沉重,哀痛既心情,令我更加明白,亦都體會到自己所擁有既人和事,都唔係理所當然應該有既,神藉住今次呢件事,比自己更加清楚明白何為生命..

感激琴晚hc既時間,縱使大家懷著一個傷痛既心情黎到,但藉住琴晚既詩歌,經文,祈禱而得到神既安慰,平復既心情因此而來...

今天"他"已經起神既家裡面,快快樂樂同神走埋一齊,我深信我地將來一定可以再見面的,一定會!!

帖前4:13-18
論到睡了的人，我們不願意弟兄們不知道，恐怕你們憂傷，像那些沒有指望的人一樣。我們若信耶穌死而復活了，那已經在耶穌裡睡了的人，神也必將他與耶穌一同帶來......以後我們這活著還存留的人必和他們一同被提到雲裡，在空中與主相遇。這樣，我們就要和主永遠同在。
所以，你們當用這些話彼此勸慰。

珍惜眼前

琴日收到一個突如其來既消息,雖已成為事實,唯有欣然接受...

願神可以安慰一班愛"他"既人,求神打開溫柔既手擁"他"入懷抱裡...

神阿....真係好需要你...

老公既突破

話說老公一向都好怕去抱好細過既bb,成日都好驚會整親佢地,但今日返sunday時,老公作出一個新既突破,就係抱住諾諾,而見佢都好淡定,awesome!!

健哥, 好野 !!

話說星期五收到健哥既msn,佢話比我知佢今晚會go steady,想invite我地兩公婆去睇同影相,但由於今日太過疲倦,所以都無去到,健哥,真對你唔住!!

當收到呢個消息時,真替他高興...

健哥,你係得既!!!!

打冷

今晚同老公去左屋企留下打冷,好開心....

是日晚餐 :

(1) 九菜豬紅
(2) 椒鹽九肚魚
(3) 豉汁炒硯
(4) 紅燒乳鴿

Get Your Own! | View Slideshow

黑色星期五

今日係黑色星期五呀,所以今日返工都唔多順利,老板最近心情唔好,日日返工都黑口黑面,同佢講野又悔悔氣氣,一年一次既performance appraisal又唔肯做,都唔知佢攪乜...

今日返工勁唔開心,首先同legal dept其中一個秘書問野時,比對方串之餘,仲要"吸"左我3次線,之後再問老板野時,又比佢話左2次,後尾頂唔順衝入廁所喊,今日真係好唔開心,好黑仔!!!!!

Jason & Vanessa既新居

好感激今晚可以去到Jason & Vanessa既新居食飯,依家見佢地間屋已經完成,真替佢地高興...

我班既學生

今日兒童班上堂時,同幾個小朋友影左幾張相...

中秋節快樂

祝大家今日有一個好開心既中秋節.....

今晚同老公去完奶奶屋企做節之後,跟住我地去左又一城睇"寶貝計劃",一套好典型成龍既戲,唔需要用腦去思考既戲,都唔錯,幾好笑...睇完之後都12:00,好耐都未試過同老公出街會去到咁夜架!!

康復喇

今日同老公去左威爾斯覆診,感激神,老公隻腳趾骨已經埋哂口,現已完全康復,聽日佢會開始返工,返工第一日就要即刻過去澳門工作,希望佢事事小心,一切順利啦...

由於今早9:00am去到醫院照x-光,照完後還未到見醫生既時間,所以同老公去左愉翠苑飲茶,叫左5個點心+1碗粥,埋單都係$60,真係好抵呀....

返黎喇@大梅沙

一連兩日既國慶假期好快就結束喇,聽日開始要返工,不過呢兩日假期都過得好開心,因為我地同茵姐&烽哥一齊去左深圳大梅沙有個短trip,我地一去到大梅沙,發現周圍都係人,無論起條街上,沙灘裡面都係有好多好多既人,下次再去玩時,都唔好撞正係大陸假期..

今次我地無特別去plan個行程,第一日去到酒店check-in後,我地都係去左酒店附近行逛,食下野咁,之後就返左酒店稍作休息,夜晚再去鹽田食海鮮,好豐富既一餐,食左好多海鮮,價錢比我地想像中便宜,好滿足,食飽之後就坐車返酒店梳洗,然後我地去左茵姐間房玩game,玩到一點左右就返房訓覺...

第二日qt食早餐同check-out之後,我地就坐車去返羅湖商業城按摩,一按就按左兩個鐘,之後再坐車去另外一個地方行街食晚飯,兩日一夜既行程就係咁樣完左,雖然深圳周圍都好多人,但都唔會影響到我地去玩既心情,亦都好開心假期可以同好友一齊渡過,真係非常感激!!!