B仔開眼相

出左院都已經有八日喇,依家襯住B仔訓覺既時間,終於可以update下個blog喇,為人父母確實唔容易,每日不停餵奶,換片,餵奶,換片,時間過得真係好快,好彩身邊有老公幫手,我至可以有時間去休息,幸好B仔都好合作,夜晚唔需要我地時常起身,半夜飲完一餐奶,佢就可以訓覺至天光,總算令我地可以有三至四小時訓覺時間!

今日終於可以影到B仔既開眼相喇,好開心B仔對眼係雙眼皮,好靚架,哈哈..

B仔出左世喇

好開心, B仔起22/10夜晚8:28分出世喇, 當起手術室同老公見証佢出世果一刻, 聽到佢既喊聲, 真係好感動, 感激神一直去帶領B仔既健康, 佢真係一個好可愛既BB, 好得意..

不過B仔依家仍然起醫院, 因為醫生話佢有些黃疸, 要起醫院觀察一晚, 所以今日都係我出院先, 希望B仔既黃疸指數會下降而聽日可以出院啦, 真係好想好想接佢返屋企呀 !!!!!

B仔今日出世喇

時間過得真係好快好快, 今日已經係22/10, 亦到係B仔出世既日子, 還有幾個小時便要去醫院喇, 心情難面有些緊張, 琴日完左sunday之後開始有鼻水同喉嚨痛, 好驚自己會病, 所以返到屋企沖左杯康鈣c同食左一個橙, 今朝起身時仲有些鼻水, 希望我真係唔會病啦....

我同老公好期待bb既來臨, 今晚終於可以見到bb既誕生, 希望中間既過程會一切順利, 遲些少再post相上黎比大家欣賞啦....

最後一次起兒童班喇

今日係我同老公最後一日起兒童班, 我自己做左兒童班都有好幾年, 最初我起play group時已經教導佢地, 到今日既level 2, 睇見佢地每一個小朋友都大過左好多, 亦都見到佢地有不同性格既成長, 當中都建立了一份感情, 真係有些唔捨得, 感激神起過去既時間比我同老公有機會起兒童班去付出, 中間亦都建立左我地既愛心同忍耐, 亦都比我地留下好好既回憶, Amen !!

遊西貢

仲有8日既時間,B仔就會出世,老公提意起我生之前,要去下唔同既地方食飯行街,享受下二人世界,所以琴晚我地就去左西貢食飯,好耐都無去過呢個地方,坦白講,行街既地方唔多,地方細細,但可以暫時遠離市區,都係好舒服既,晚飯我地選擇左一間西餐廳,据下扒,食下意粉,傾下計,都好relax,食完晚飯之後,我地仲去左近海邊既海鮮酒家,睇睇果度既海鮮,有好多唔同種類既海鮮,而且每間酒樓都擠滿左好多人起度等位,行左一陣,我地仲去埋"滿記"食糖水,好滿足既一晚呀...

仲有13日咋

今日係十月九號,仲有13日B仔就會出世,琴日去左醫生度覆診,B仔依家已經有六磅,各方面都正常健康,感激神,醫生琴日仲講解左整個開刀過程,聽完之後,真係由心底裡面驚左出黎,幸好老公不斷起我身邊鼓勵我,叫我唔好驚,雖然我知道整個過程都唔會痛,但諗起在我清醒既時間,知道醫生做緊咩既時候,真係有些心理壓力,但為左想第一時間見到B仔,驚都要撐落去呀....