焯楠仔今日2歲喇

時間過得好快呀,焯楠仔今日2歲生日喇,媽媽起度祝你生日快樂,身體健康,快高長大,聽教聽話!!

今日爸媽會第一次帶你去海洋公園玩,呢個地方係你第一次踏足,希望你會感到開心啦 ^^

焯楠仔23個月大喇

焯楠仔今日23個月大喇,下個月就2歲生日,好期待,計劃緊去邊度同焯楠仔慶祝...

好耐都無update

好耐都無起blog update喇,事關近排愛上左玩facebook,嘻嘻!

唔覺唔覺焯楠仔已經22個半月大喇,下個月就兩歲生日,時間過得好快,最近焯楠仔開始進入trouble two,好大脾氣,少少事就大吵大叫,唔比佢玩危險既野,佢就會發脾氣,喊,所以最近都bang多左佢,現階段真係好難攪,不斷挑戰我既底線同耐性呀!

雖則焯楠仔係咁,但最近都見到佢有不同既成長:

說話:開始學講句子,完全明白大人既意思
認知:已能認識身體各部份,認緊color如黃色,紅色同橙色,學緊英文字母,差幾個字就全部學識
飲食:極度唔鐘意飲奶,但食爛飯就好鐘意,每次可以食到一碗大人飯碗
身高:85cm
體重:27磅

仲有兩個月,焯楠仔就會進入人生另外一個階段,就係返學喇,希望佢會好快適應同埋享受返學既樂趣啦!

焯楠仔19個月大喇

好耐都無update個blog啦,皆因好多時都去左facebook到,不知不覺焯楠仔已經19個月大喇,仲有5個月就到2歲喇,時間過得非常快呀,等我又起度記錄下焯楠仔既成長先:

身高 :80cm
體重 :25磅
牙仔 :8隻(出得比較慢)
飲食 :仍然維持兩餐奶,兩餐爛飯,一餐米糊(臨訓前唔肯飲奶),下午茶食包包,生果,餅餅
說話 :識講婆婆,公公,表哥,ee,爸爸,哥哥,姐姐,謝謝,驚驚,跌跌,pet pet,apple,笑,車車,pooh pooh,
糊糊,波波,abc,無呀,唔好攪我,知道,好,得,洗衣機,電視機,mickey,覺覺,please,俾俾,廁所,狗狗
自理 :開始訓練介片,自己食飯,每樣野都在進步中,我地仍需努力
訓覺 :每日有11-12小時睡眠,晚上有9-10小時訓覺,日頭只訓一轉(個半小時至兩小時不等)

語言發展

17個月大既焯楠仔,現階段既佢開始學講野,只要我地起佢面前講一些簡單既字,基本上佢都可以好快學到,依家佢已經識講:

爸爸,媽媽,婆婆,哥哥,波波,車車,糊糊,Pooh Pooh,Apple,A,B,所所(即係廁所),無呀....

所以作為父母既我地,真係要好小心起子女面前說話,因為佢地係聽得明,只係暫時唔識講咋!

Hope Worldwide Baby

上個月當寰宇希望義工時,特意起會場拎左一件兒童版Hope既衫比焯楠仔,琴日老公幫焯楠仔穿上,好大件呀,焯楠仔好似著左條裙咁,好可愛呀!

Happy Valentine Day

祝大家情人節快樂, Sweet...Sweet... :>

牛年好開始

新年快樂,祝大家牛年行大運,身體健康,心想事成,事事順利!

焯楠仔十五個月大喇

不知不覺焯楠仔已經十五個月大喇,近呢一個月發覺焯楠仔唔同左好多,發現佢有以下既成長:

說話方面:
雖然仍然講一大堆太空話,但有些字已經比之前既發音準確左好多,最近仲學識講"婆婆","哥哥","Go..Go..Go","邊個呀"

認知方面:
- 已經好清楚知道自己身體各部份,例如:眼,耳,口,鼻,手,腳腳,頭,面,頸,肥肚腩,patpat
- 非常清楚知道邊個係爸爸,媽媽,工人,婆婆,公公,表哥,大細舅父同舅母

專注力:
講故事時候,專注力比以前長左,雖然都係講唔夠一版故事就已經想落地,但已經係好大進步喇

行為方面:
- 已經識"琴"梳化
- 識得/鐘意幫我地關門
- 見到我地著鞋,佢會即刻走去指住自己個櫃,示意要拎佢自己對鞋出黎著
- 有意識插自己隻腳去鞋入面,當然未能成功啦
- 識得arms up,arms down仲未學識
- 聽到音樂會跳舞
- 我地講nono時,佢識得用手指兩邊fing,示意唔可以做

飲食方面:
- 可以飲到8安奶奶,一餐粥,一餐字母粉
- 開始嘗試新食物,例如: 麵包,提子乾,士多啤梨,藍莓
- 鐘意食我地既白飯,我地每次食飯,佢都會走埋黎please,示意要我地比白飯佢食

睡覺方面:
- 基本上可以九點幾至十點鐘訓覺,間唔中要去到十點半至肯訓
- 一日總共有十二小時訓覺

圓洲角公園

今日係元旦假期，今朝待焯楠仔食完粥粥之後，我地就去左屋企附近既圓洲角公園玩，住左呢度三年幾，我地都係第一次踏足呢個公園，焯楠仔仲第一次玩千秋，佢玩得好開心呀！