厭奶B

還依稀記得焯楠仔曾幾何時係可以飲7安奶奶,自從焯楠仔開始食粥仔之後,佢開始對奶奶提不起興趣,由以前既7安奶奶到依家既4安(好彩既話,有時都有5至6安既),由以前5分鐘可以飲哂一支奶,到依家起碼要半個鐘至一個鐘以上,餵到工人都有點兒吃力,最近焯楠仔飲奶既情況越黎越差,飲3安奶奶就罷休,隔一陣再餵,焯楠已經極度唔願意張開口,什至起度哭哭鬧鬧,作為父母既我地真係擔心不已,呢個情況已維持左一段時間,我地用盡不同方法,都未能夠令到焯楠提起飲奶既興趣,究竟焯楠唔舒服? 吽牙仔 ? 定還是真係厭奶期既出現呢?

我當然唔希望焯楠仔有唔舒服,如果係吽牙仔或者係厭奶期,我希望這些日子可以快些過去.

照顧小朋友,真係一門高深既學問,我相信黎緊既時間,都會面對住唔同既挑戰,自己仍然需要不斷去學習呀!

焯楠仔十個月大喇

轉眼間,焯楠仔已經十個月大喇,去完泰國返黎,見到焯楠仔有以下成長:

(1)爬得越黎越好,越黎越快
(2)起我地旅行期間,工人教識焯楠仔拍手,只要一聽到"好野",焯楠仔就會好開心拍拍手
(3)已經好純熟去扶住梳化企起身,企得好穩陣
(4)可以扶住梳化行一,兩步
(5)有意識伸手去hi-five
(6)焯楠仔識得錫錫公仔,只要一聽到"錫錫公仔",佢就會好自然將個公仔放去塊面度,好攪笑

唔知係咪開始大既緣故,焯楠仔開始有佢既脾氣,佢唔鐘意人地拎走佢手上既野,一拎走就會摟計同喊,琴晚同老公傾開,我地係時候要開始起devo入面,教曉焯楠"please",等佢知道當佢有野想要時,佢係要"please",才會有果樣物件/玩具!!

焯楠仔爬得好快呀

自從焯楠仔學識爬之後,依家每次都可以爬好多下,仲要係通屋爬,通屋攪,真係睇少眼都唔得呀!!

">

焯楠仔又一成長

好開心呀,因為焯楠仔終於識爬爬喇,之前用左個幾月既時間去訓練他,之前佢只可以撐起自己個身體同隻腳,但依家焯楠已經可以手腳並用,向前進發喇!

仲有,琴晚我地食食下飯,見到焯楠仔自己扶住梳化企起身,腳仔好有力,好開心見到焯楠仔既成長,帶比我地有好多既驚喜呀!!

">

焯楠仔既新玩意

焯楠仔最近既新玩意就係我地既notebook,只要我地一開著部notebook,佢就會好興奮去拍打個keyboard,所以有時我地想上網都幾難,因為佢起度會攪攪震,哈哈!!