焯楠又成長左喇

今日帶焯楠去健康院打針,佢已經有十二磅八喇,高度同磅數都正常,姑娘話焯楠個頭仔比較大,檢查完後要去見醫生,醫生check過後話暫時無問題,到左四個月時返健康院再check過!!

焯楠今次好叻叻,打完針只喊左三聲就停,比起上次打乙型肝炎時喊少左喇...

我既好朋友

呢兩個係我既好朋友,爸爸好鐘意拎佢地同我玩,好開心架!!

戒夜奶

焯楠已經二個月喇,起早早十幾日前已經介左夜奶,每晚十一點幾飲完奶之後,佢都可以訓到7點幾至起身,開頭諗住起我返工之前果個星期開始幫佢介,唔知點解有一晚佢飲完奶之後,竟然6點幾至起身,如是者之後果幾晚就睇下佢會唔會唔起身飲奶,點知焯楠真係幾晚半夜都無起身喎,真係一覺訓天光,直到今日佢已經半夜無再起身飲奶,今日仲犀利,由琴晚12點幾訓到今朝8點幾至起身,真係好感激,唔需要我地幫佢介,而佢自己選擇唔飲,令我地每晚都可以訓到覺,Amen !!

焯楠與清宜

今晚去左阿偉同小燕屋企食飯,焯楠仲同清宜一齊飲奶同影相,好得意!!

Merry Christmas

今日係聖誕節，起樹祝大家聖誕節快樂！！！

不朽的夢

剛過去既星期日係教會二十週年慶典,1900幾個弟兄姊妹一齊起灣仔會展新翼慶祝,很感激當中有份去參與,亦都見到教會不斷改變,當日真係好開心,有slide show,按立牧師,執事,有攪笑既頒獎典禮,有steve既講道,仲有好美味既自助餐,好開心呀!!

當日查經班每個人都著得好靚,仲一齊影左張合照...

全家福

今日同焯楠去左新城市行街,之後仲去左影貼紙相,呢張係我地第二張既全家福相,幸好焯楠總算合作,影完張相至喊(因為"lau"眼訓)...

Decoration For X'mas

非常感激今晚阿勇同Teresa黎到我地屋企佈置聖誕,裝飾完後,屋企立時變得好有聖誕氣氛,而焯楠今年係第一年同我地過聖誕,由於佢仲係太細既關係,我地今年未必可以帶佢出去睇燈飾,但黎緊24/12我地BT有x'mas party,到時可以帶焯楠出去同埋到時又可以見到曉晴姐姐,心柔姐姐,好開心架!!

焯楠變左好多呀

短短個半月,焯楠已經唔同左好多喇!!

焯楠與獅子仔

哈哈, 好可愛呀!!

出浴照

焯楠大個左好多喇,琴日幫佢沖涼,影左佢既出浴照,好可愛呀...