開飯喇喂

好耐都無起屋企煮過飯,所以晏晝同老公行完新城市之後,就返左屋企煮飯,今晚都係煮左d簡單既送...

是日晚餐 :

(1) 梅菜蒸肉餅
(2) 烚青椰菜
(3) 火腿栗米湯

今日放假同老公去左飲茶

今日我唔駛返工,所以同老公去左留下間"榕記"飲茶,好開心,傾左好多計,今次係第二次同老公兩個人去飲茶,感覺好開心同好relax,我地仲撞到Jacky Tsang & Rebecca,我仲同Him Him影左張合照潻...

$10食店

今晚同jason & karen去左尖沙咀度食日本野,每一碟都只係$10,份量當然係好少啦,我地食左好耐都好似無野落肚咁,由於佢d份量不大,所以會令大家叫得多,找數時都嚇左一跳..

今日晚餐既盛況 :

天有不測之風雲,都係小心為上

琴晚收到一個唔多開心既消息,公司有個同我幾friend既女同事,琴日比佢老細炒左,消息黎得好突然,晏晝我仲同佢一齊食lunch,估唔到今日已經唔再可以同佢共事喇...

和呢個同事相處左有四年幾既時間,可能大家年齡差唔多,所以同佢成日都會走埋一齊,我亦試過同佢去過兩次旅行,起呢四年裡面,同佢唔單止只係同事關係,而我地亦都建立左一段友誼,感激佢當我係佢朋友,所以琴晚佢都第一時間搵我傾訴,我知道佢心裡有好多唔開心,不忿同被屈既感覺,而我都唔知點樣可以鼓勵到佢,唯有我可以做既就係為佢祈禱,希望佢可以盡快搵到一份新既工作...

今日返工都唔係好慣無左佢起公司,平時我可以擰轉頭同佢講野,依家唔會再有呢樣野喇.....

今晚煮乜送

小妹今日放工如常返屋企煮飯,可能因為感冒未痊癒,食飯時都無乜胃口...

是日晚餐 :

(1) 節瓜冬菇炆排骨
(2) 腸仔炒蛋

BB專輯

琴日返sunday同左幾個bb影相,佢地實在太可愛喇...

咳到無氣喇

話說小妹上星期感冒病左,請左一日病假休息,但自今仍未好返,燒係退左,但我就開始咳..咳..咳..,琴晚瞓得又唔好,成晚都咳醒,所以今日返工都唔係最佳狀態....

咳真係好辛苦,希望快d好返啦....

Ministry Kick Off

今晚係起Jonathan屋企有我地Ministry Kick Off,感激Jonathan帶比我地有一個好好既message,提醒我地起christian life裡面要不斷有一個火熱既spirit去行,新semester開始,好開心有Yau & Narci,Jason & Vanessa既加入,希望新semester查經班會有新既沖擊...

開BT之前,同老公去左新港城度食日本野,好好味呀...

Home Sweet Home

自從起沙田買左樓之後,我煮飯既次數都多左好多,以前既我,我係好少煮飯食,因為我成日都覺得要預備兩個人既飯送係幾難,往往自己都唔識預個份量,加上我由細到大起屋企都唔駛幫手煮飯,所以我對於煮飯可以話係一概不通

不過感激依家可以比自己成為一個鍛鍊,由初初唔識煮飯到依家可以煮到d簡單飯送時,我覺得好開心,亦都比到我有成功感,煮飯仲可以train up自己果份堅持同不斷嘗試既性格,除此之外,見到老公食得開心時,我都覺得好被鼓勵同建立緊我既信心

今晚同樣煮了兩個簡單既飯送,好好味亦都好易煮,聽日我又可以帶飯喇,距離我地儲錢大計又行近一步

是日晚餐 :

(1) 蒜蓉豆豉蒸排骨
(2) 勝瓜炒雞柳

天氣稍涼

呢兩日天氣開始稍涼,代表著秋天已經來了,很舒服既天氣,正因為咁,小妹今日就病到了,琴晚無端端開始有鼻水,仲不停打"hut痴",心諗我應該開始會病喇,殊不知,今朝起身個頭勁痛,去到診所探熱時,仲有d發燒,所以今日我都無返工,起屋企瞓左成日,依家食左藥好了好多...

天氣開始涼,大家記緊小心身體呀...

但話雖如此,小妹今晚如常煮飯比老公食,很簡單既三味小菜...

是日晚餐:

(1) 蠔油雞翼
(2) 蛋蒸肉餅
(3) 清炒九菜花

今日狀態唔好,所以煮返平時成日煮既送,希望老公唔會覺得食到悶啦...

今日去左探Hagio

今日完左sunday去左探hagio,佢真係越黎越可愛,大個左好多...

可愛既小朋友

今日返sunday同諾諾&令山影左幾張相,好可愛呀...

行街街

今晚同老公去左新城市度行街食飯,好開心既一個晚上....

回家喇

自從老公整親腳之後,因為不便出街,所以好耐都無返阿媽度食飯喇,看見姪仔長大左好多,唔覺唔覺下個月就四歲喇,時間過得好快.....

My Office

今日用新電話黎試下影相,都幾靚喎...

終於買到喇

嘩哈哈!!我終於買到部新電話喇....

琴日返hc之前同老公起新城市閒逛,一直我都好想換Nokia 6280呢部電話,但價錢又唔平,所以一直都無去買到,直到琴日同老公週圍去格價時,終於比我地起CSL度搵到一個好平既價錢,無論機價同月費,都比起其他公司抵得多(哈哈!!自己公司都唔幫襯),所以最後我將我舊果部電話trade-in而換了呢部3G電話,真係好開心喇....

而呢部電話個相機有成200萬像素,影出黎都唔差,幾靚架!!

第時等我影多d靚相post起度先:)

Feel Love ~

好感激琴日查經班預備左份encouragement去鼓勵我老公,當老公知道要放多一個月病假既時侯,我feel到佢都有些失望,我相信佢真係好想快d返工,可惜佢公司建議佢都係留起屋企休息,亦都叫佢唔駛擔心工作上既事,所以原先佢要去泰國工幹都要暫時擱置,真係希望佢早日康復啦...

老公,我會為你祈禱既....

老公今日返醫院覆診

今日老公返醫院覆診喇...

一早九點鐘去到醫院照x-光,跟住就去骨科度見醫生,起骨科門外足足等左兩個幾鐘,好彩起seven買左本雜誌解悶,如果唔係d時間會過得好慢...

x-光片出左黎喇,裂左骨既地方仲差少少未埋口,但個石膏就已經拆左,總算舒服哂,但醫生同樣比左一個月既病假我老公休息,4/10要返去醫院照多次x-光同見骨科,不過老公都決定左會返工,只不過唔會做一些危險既工作..

本以為一個月後隻腳會好返,點知仲差少少,希望老公快d好返啦,仍需大家為佢祈禱

今朝起canteen既早餐:

深情對話

琴晚同老公可以靜靜地起屋企有一個deep talk既時間,一路食住我地喜愛既壽司,一路談談大家既屬靈生命,最近自己同老公多左磨擦,有d時候都唔係好開心,可能最近自己spirit麻麻,所以有好多野都覺得唔係好順眼,但感激有琴晚既時間,老公主動去傾我既問題,聆聽我既感受同想法,比左唔同既意見我,鼓勵我去建立唔同既關係,傾完之後,心情都變得開心左,亦都覺得輕省左,感激有老公既支持,聆聽同信任,佢真係鼓勵左我好多...

被服侍的一天

今日返Sunday好開心,感激Andy & Alkie既付出,接送我地返主日崇拜同回家,今朝自己祁禱同神講,感激有呢d既關係,只有在kingdom裡面既人,才會唔計較去付出比身邊既人,Andy & Alkie唔單止接送我地返教會,佢地仲邀請我同老公今晚去佢地屋企食飯,真係好感激亦都很感動!!

可愛既諾諾,坐起梳化度幾嘆呀....

大展身手

好開心今晚能夠邀請茵姐同烽哥上黎我地屋企食飯,其實都要多謝烽哥既幫忙,話說老公早排有d game成功賣左出去,多得烽哥仗義幫忙,幫老公拎d game出去交收,所以今晚點都要煮返餐飯去多謝佢地!!

餐單如下:

(1) 葡汁牛肉煲
(2) 節爪蝦米煮粉絲(乾得滯..下次要加多d水)
(3) 糖醋雞翼
(4) 清蒸黃花魚
(5) 青紅蘿白栗米豬骨湯

未試過一個人要煮四送一湯,希望成功啦!!!!!

Italian Tomato

今日lunch起Italian Tomato食左個Pizza餐,味道一般,個Pizza好硬,但個餐湯不錯..

Barbie公仔展覽@朗豪坊

今日同幾個同事lunch去左朗豪坊度食飯,見到有barbie公仔既展覽,有好多著住唔同衫既公仔,好靚架,所以小妹就影低幾張我覺得靚既barbie,放起度比大家睇下啦

鄭Ming與朗希

今日收到阿May send黎既e-mail,我都唔記得左原來我同朗希都有張合照,你地睇下,朗希係咪好可愛呢!!