開心飯局

琴晚好開心可以同偉 & 小燕,Jason & Vanessa去左Catherine & Joe屋企食飯傾計,平時都無乜機會可以同佢地傾計,但藉著琴晚既時間可以認識Catherine & Joe,感激琴晚既時間可以被佢地serve好多,中間都傾左好多計,好多笑聲,過左一個非常開心既晚上....感激 !!

有一件事係同佢地好巧合,原來Catherine & Joe之前都係住花園城,仲要係同我地住埋同一座同一層,不過係唔同單位,如果佢地無搬到,我地今日就可以做大家既好倫居...

探探Hagio

感激今晚被Lawrence & Elsa邀請去佢地屋企食飯,順便可以探探hagio,依家hagio大個左好多,開始識扶住物件去企,好犀利呀...

認識新朋友

琴晚好開心可以同Jonathan & Doris一齊去認識佢地既朋友,我地一行六人去左第一城中心既"福彩海鮮酒家"食飯,估唔到間酒樓既食物都唔算貴,我地六個人叫左三個小菜(1)南瓜芋頭煲(2)清蒸海斑(3)腊味煲仔飯,不得不提果條清蒸海斑,真係好抵,份量仲要係平時去飲果隻size,但價錢都係只不過$55,大家有機會不妨可以去試試..

好感激琴晚可以認識到Doris既中學同學,佢地都係一對已婚未有小朋友既夫婦,住起沙田,男既叫"Jacky",女既叫"Lisa",琴晚同Lisa傾計,原來佢都係做秘書既工作,我同佢做既工作都係一樣,所以有好多既話題,而Jacky既興趣係鐘意影相同電腦,同我老公既興趣一樣,所以琴晚大家既傾計都好投契,好開心可以認識到佢地,期望可以黎緊既時間,可以同佢地建立更深既friendship...

老人金牌

唔覺唔覺起呢間公司工作已經邁向十一個年頭,今年自己有份去拎公司頒發既"老人金牌",同埋我可以用$2500去買野,然後拎單返公司claim,好開心,心目中已經有2樣係想買既,一係就買隻錶比自己,因為之前果隻壞左,第二樣野想買既係結婚介指,因為我太過大意,竟然整唔見左,所以有諗過想買返對新既...

十一年既時間真係唔容易過,中間經歷左好多裁員既風暴,轉部門服侍唔同既老細,不過令我最開心既係可以起公司幫到一個同事去做xian,亦都感激神比我可以有呢份穩定既工作,AMEN!!!

打邊爐

今日天氣真係好凍,所以同老公今晚起屋企打邊爐,暖笠笠,好正..

天氣寒冷

今日好凍呀,完全唔想起身返工,一開電視,今朝只係得12度,真係凍死人喇,咁既天氣,真係好容易病架,大家要小心身體呀...

Family Time

琴晚同屋企人去左我屋企留下間"潮軒"食打冷野,好耐都無試過同屋企人出街食飯,除非一些特別節日,例如:阿爸,阿媽,阿麻生日之外,其餘時間一定會起屋企食,琴晚食得都好開心,真係唔容易可以齊人咁出哂黎食飯,因為我地三兄弟姊妹都已經搬左出去住,有時真係夾唔到時間可以走埋一齊,眼見大佬個仔已經四歲大喇,睇住佢出世到今日已經返緊幼稚園,識駁咀,有自己既性格,鐘意就鐘意,唔鐘意就唔鐘意,可能佢係屋企第一個孫,所以家人都特別寵佢,而我身為佢姑姐,當然要有標準去教導佢啦,所以看見xian家庭既小朋友同non xian家庭既小朋友,係好大分別既..感激自己活起kingdom裡面,生命裡有bible去guide住自己行,以至不會行差踏錯,新一年,希望家人可以返到教會去認識神,呢個都係我2007年其中一個目標!!

Blueberry Cheese Cake

今日同事整左個Blueberry Cheese Cake比我,太感動喇,個cake好好味呀,我一個人一定食唔哂,所以我將個cake分享左比其他同事一齊食,好開心!!

Day 10 : 返到香港喇

今日起程返香港喇,10日既假期話咁快就完結,聽日要開始返工喇,今朝一早6:30起身,梳洗好後就出發去機場,搭10:00機返香港,原先琴晚諗住同老公出外count down,點知收到炸彈爆炸既消息,我地諗左一陣,為左安全起見,最後決定返酒店,真係有d掃興,原來琴日曼谷爆炸既地方,正正我地之前一日至去過,真係感激神take care我地既安全,如果我地選擇琴晚去呢d地方既話,後果真係不堪設想,一落機已經收到我阿媽既電話,因為佢琴日睇到新聞,擔心我地有事,所以打黎問候..

雖然琴晚我地最後起酒店count down,但都好開心,因為琴晚我地一齊去回顧2006年同展望2007,仲一齊去pray,好特別既時間係同神一齊,今年真係過左一個好難忘既xmas..