皮膚敏感

還記得上星期寫blog提及到焯楠轉食2號奶粉無出現過敏反應時,殊不知上星期五同琴晚焯楠又試敏感,話說琴晚同焯楠玩得好開心之際,焯楠就開始抓耳仔,見佢個樣好似好痕咁,我都未黎得切阻止焯楠去抓時,焯楠頸後面,兩隻手,成個身都已經出哂粒粒,見到咁既情形,真係嚇死我,立即叫工人餵焯楠食抗敏感藥水同搽藥膏,之後同老公決定帶焯楠去仁安醫院,經過醫生檢查,好大機會焯楠係奶粉敏感,所以醫生見議我地暫時唔好再比焯楠食2號奶粉,改為食返一號,雖然1號奶粉非常貴,但我地為左焯楠健康著想,我地都會聽從醫生既建議!

焯楠,琴晚爸爸媽媽見你好辛苦既樣子,真係好心痛,希望你快d好返,身體健健康康啦!!

遲來的A+2

根據奶粉供應商既指示,六個月既BB可以開始由1號仔轉飲2號仔,焯楠剛好九個月大,我才開始為他轉奶粉,早兩日開始幫焯楠續餐績餐轉,開始時都有擔心工人明唔明我講乜,好驚佢會全日突然間幫佢轉哂,幸好,工人係完全明白我所講既野,而經過兩日觀察,焯楠對於新奶粉都無咩任何不適,亦都可以飲得哂成支奶,真係叻叻,我相信用多幾日既時間,焯楠就可以全日轉哂新奶粉呀!!

P.S.另外開心既一樣野,係2號仔平個1號仔幾十蚊架,可以慳返唔少,哈哈!!

尖東站平台公園

今日完左sunday之後,我地一家同諾諾哥哥and曉晴姐姐去左尖東站平台公園影相,果度好大亦都有好多野玩,不過今日天氣好熱,所以我地都係影左一陣相就走喇,等下次無咁熱時,我地再去過啦!!

學習企

焯楠就黎九個月大喇,依家除左訓練焯楠學爬之外,我地都嘗試去教焯楠學企,其實焯楠隻腳仔好有力,不過佢仲未識自己扶住野企起身,依家仍需我地既協助,才可以企起來!!

焯楠仔,加油呀,爸媽會支持你架!!

焯楠仔帶爸爸頂帽呀

琴晚食完buffet返黎,老公比左頂帽焯楠仔帶,好可愛呀,仲有些似女仔潻,嘻嘻!!

Happy 7th Wedding Anniversary

今日係我地結婚7週年既日子,轉眼間已經結左婚7個年頭,好感激可以起教會結婚,更加感激神賜予一份好大既禮物--焯楠仔,令我地既家庭增潻好多既歡樂,今晚同老公兩個人拍拖去左沙田帝都酒店食Buffet,食到好飽,好滿足既一晚呀!!

7.1下水禮

今日7.1假期,我地去左詠恩同Wallace屋企玩,佢地仲預備左一個好大既吹氣水池,一班小朋友+Baby齊齊黎個下水禮,由於焯楠係第一次去個咁大既水池玩,所以一落水就已經好驚,仲喊喊潻,希望下次有機會再去玩時,焯楠會變得更加大膽就好喇!!