焯楠第一年陪媽媽過生日

琴日係小妹既生日,今年好開心有焯楠陪我過生日,感激神比左呢份禮物我地,原先琴晚諗住將焯楠放起婆婆處,等我地兩公婆可以輕輕鬆鬆去新城市食飯慶祝,但由於時間問題,最後我地決定帶埋焯楠去麗豪酒店食日式放題,幸好焯楠琴晚都算合作,飲完奶奶可以起bb車訓覺,總算令我同老公可以輕鬆去食飯!!

焯楠有10磅喇

今日帶焯楠去健康院做聽覺測試同打針,姑娘話佢既聽覺一切正常,而焯楠都好合作,做測試時無擰來擰去,到打針時,他只係喊左幾聲就停,已經好叻叻架喇!!

今日磅重,焯楠已經有10磅喇,姑娘話佢重得好好,犀利呀!!

焯楠第一次返教會

今日焯楠第一次返教會,仲同曉晴姐姐&心柔姐姐一齊影相,完左sunday之後,我地去左麗豪酒店食lunch buffet,好開心呀!!!

焯楠第一次睇醫生

今日係焯楠滿月既日子,亦都係焯楠第一次去睇醫生,因為他隻左眼有好多分秘物同眼水,所以今日帶左佢去睇立醫生,立醫生話佢隻眼既淚管塞左同埋發炎,要幫佢每日滴眼藥水同搽眼既藥膏,希望焯楠快些康復啦!!

焯楠滿月喇

今日係十一月二十二日,亦都係蕭腩仔滿月既日子,時間過得好快,轉眼間B仔已經一個月大喇,依家佢個樣已經唔同左好多,塊面仔肥左,有雙下巴喇,大脾仔又粗左,有兩截肉,飲奶又多左,依家佢已經飲3安至4安奶喇(哈哈,好大食呀),雖然照顧佢既時間真係令我無得休息,不過眼見自己個仔不斷成長,咩辛苦都會唔記得哂囉!!

今日去攞左出世紙喇

過多兩日蕭腩仔就滿月喇,時間過得好快,每日仍然好忙碌去餵奶換片,加上他依家日頭訓得好少,訓一陣就醒,攪到我都無得休息,幸好他夜晚會訓得好些,三個鍾頭至醒一次飲奶,老公都無咁辛苦!!

蕭腩仔終於有自己既名字喇,我地幫佢改左叫做"焯楠","焯"字代表開心,開朗既意思,我地好想他可以有個開心開朗既性格,至於個"楠"字,其實都無乜特別意思,因為老公想有個"楠"字,所以就改左呢個名喇!!

微笑中既蕭腩仔

早幾日影到微笑中既蕭腩仔,好可愛呀...

肚裡面同出左世既蕭腩仔

今日無意中搵返第一次去照超聲波既相,果時BB只得9星期大,好細粒,似一粒腰果,經過十月懷胎,蕭腩仔由初初既一粒腰果到今日已經係一個BB,神既創造真係好奇妙,好神奇!!

兩個星期大既蕭腩仔

今晚由老公親自操刀幫蕭腩仔影左幾張相,發覺佢真係肥左好多,由開頭既面尖尖到依家已經有些少雙下巴喇,好得意呀,老公仲幫佢影低左腳仔相呀..

今日帶B仔去左健康院

今日係第二次帶b仔去健康院,因為之前起醫院度check到b仔有黃疸,所以今日要去健康院度見醫生,幸好b仔既黃疸已經退哂,b仔依家有7磅1,醫生話b仔成長得好好,各方面都正常,令我同老公都放心哂...

呢兩次去健康院都有些趣事發生,第一次去健康院度磅重時,b仔毫不客氣咁張舊"臭臭"放左起人地個磅度,攪到個姑娘唔知好嬲定好笑,而今日去到醫生處檢查時,醫生一拎開佢條片片,b仔就即刻痾左一篤尿尿,真係比佢激死呀,哈哈哈......

黎緊月尾會帶b仔去健康院打針,到時唔知又有咩趣事發生呢??

坐月

唔覺唔覺生左蕭腩仔都有差唔多兩個星期,慢慢開始適應做媽媽既角式,雖然每日都好忙碌,休息既時間真係好少,但看見自己個仔一日一日咁長大,的而且確令我感到開心,好想起度特別感激老公,起我坐月既期間,佢真係幫左自己好多,半夜起身餵奶,換片,洗bb用品,衫仔,夜晚仲要煮埋飯比我食,見到佢都好攰,但佢仍然堅持夜晚起身餵奶,目的令我可以有時間休息,另外仲要多謝Andy & Alkie,起呢段時間,佢帶埋工人去我屋企煮飯比我地食,等我地可以夜晚輕鬆一點,真係好感激,亦都令我地好feel love,多謝你地!!