馬鞍山體育館Playroom

岩岩過去既星期一,我同老公都請左假,於是果日就帶左焯楠仔去馬鞍山體育館Playroom度玩,享受一下親子時間,焯楠仔起playroom入面玩得好開心,之後我地仲去左馬鞍山公園度坐草地,夜晚仲去左馬鞍山廣場度食泰國菜潻,好開心既一日假期呀!

P.S.唔知係咪果日焯楠仔玩得好開心定還是假期日日都出街玩,焯楠仔果晚半夜喊醒左,仲要喪喊左三個鐘,攪到四點半至訓,攰死爸爸媽媽同工人喇!

焯楠仔第一次坐草地

焯楠仔第一次坐草地,佢唔驚喎,仲對地下既草草感到好奇呀!

Merry Christmas

我地焯楠仔一家起樹祝大家聖誕快樂呀,Merry Christmas!!

遊Snoopy Land

上星期六爸爸媽媽帶左我去Snoopy Land度玩呀,果日有好多人,今次我係第二次去,第一次去時我只得三個月大,今次再去我已經有十四個月大喇,仲識行識走潻,身邊太多野吸引我去望,所以我都無企定定比爸爸媽媽影相呀,影左好耐都只係得兩張相係望鏡頭咋!

焯楠張新床仔到喇

早幾個星期前訂既子母床終於今日到喇,整得都幾靚,不過美中不足就係個頂櫃做得唔岩,裝唔到,要重新整過,最快要兩個星期後至送到黎呀!

閃耀全城

今晚係閃耀全城既HC,非常感激CANDY同ANNA既付出,買左一顆光纖聖誕樹比我地,令到我地屋企增潻唔少聖誕氣氛呀!

影燈飾

剛過去既星期六,我地查經班去左尖沙咀樓上cafe食tea,之後夜晚一齊去影聖誕燈飾,今年係焯楠仔第二年過聖誕節,亦都係第一次出街睇燈飾,好開心呀!!