Welcome To Our Blog ~ Wah, Ming & 焯楠仔 Lilypie - Personal pictureLilypie Third Birthday tickers

Monday, January 21, 2008

焯楠生病了

焯楠生病了,事原琴日完左hope sunday返到屋企,發覺焯楠身體有些熱,探熱後發現佢有些輕微發燒,於是餵了他吃退燒藥,直至到晚上7點幾,焯楠仍未退燒,反而仲高燒左,我地決定帶佢去睇立醫生,由於焯楠只是發燒,沒有其他感冒,痾嘔症狀,立醫生見有些不尋常,於是他就立刻寫紙轉介焯楠入醫院檢查,睇完立醫生後,我地即刻坐的士去威爾斯急証室,去到醫院,焯楠越燒越高,我開始擔心,因為唔知佢咩事,等左一陣,終於到我地見醫生,經醫生診斷,初步懷疑有可能係肺炎或者係腦膜炎,醫生立即幫佢照x光,等既時候我已經忍唔住喊左出黎,x光出左之後,醫生話焯楠右邊個肺有些少花,有機會係肺炎,要立即留院觀察,辦完入院手續,姑娘馬上為焯楠抽血,驗尿,抽鼻裡面既分泌物,我地起房出面聽到焯楠既喊聲,我個心真係有些痛,抽完所有野之後,就安排左焯楠去病房,由於已經係夜晚十點幾,病房裡只可以得一個人留過夜(仲要係無床比我地訓),於是我同老公就輪流入病房陪焯楠,直到凌晨兩點幾,老公提意我返屋企訓覺,佢就留起醫院照顧焯楠,於是老公就送左我返屋企後,佢就再返醫院,不過我都訓得唔好,凌晨四點幾先至訓著,今朝一早7點幾我就起身去醫院接更,等老公可以返屋企休息,一早醫生黎睇焯楠,因為佢時退時燒,加上又未知焯楠發燒既原因,所以要再觀察,令到我地都好擔心,直到晏晝,知道焯楠既驗血驗尿報告出左,一切正常,我倆才放下心頭大石,後尾醫生再黎睇焯楠時,証實焯楠患有甲型流感,所以才引致佢發燒,我地先至無咁驚,起碼唔駛估下估下(真係比急症室既醫生嚇死),所以焯楠今日可以暫時出院,聽朝9:00鐘再返醫院見醫生,希望焯楠快些康復啦,見佢無哂胃口飲奶,同埋容易炆憎,真係令我心痛呀!!

Saturday, January 19, 2008

Snoopy Land

今日放左工之後,同老公帶左焯楠去snoopy land度影相,佢好開心喎,仲好好奇週圍望潻!!

Wednesday, January 16, 2008

終於返工喇

兩個半月既悠長假期終於結束喇,今日係返工既第三日,好忙!!!好忙!!!因為我放假期間,將我手頭做開既工作交左比另外一位既男同事,佢竟然一樣野都無幫我做過,仲將起呢兩個月既文件原原本本交返哂比我,真係好嬲,都唔知有無攪錯,所以呢幾日起公司好忙,好多手尾要執返,返到屋企真係好攰,幸好老公好幫手,夜晚完全唔需要我去餵奶,等我可以早些上床休息,不過見佢都辛苦,因為朝早果餐奶都係由佢去餵(因為我早出門口),實在感激有老公既幫忙同體諒!!!!

不過每日放工見到焯楠,都係好開心,因為佢依家又成長左,隨左同佢玩佢會識得笑之外,依家佢可以用手揸住個搖鈴一陣,又可以將隻手放入口裡面,仲會發出er er are are既聲音,好攪笑架,睇見佢有呢d成長,確實好開心同安慰!!

Sunday, January 13, 2008

珍寶珠

今日doris送左一些玩具比焯楠,有個搖鈴係粒珍寶珠,焯楠好鐘意玩,佢仲識得自己拎住黎搖,好得意!!

Friday, January 11, 2008

焯楠有新車坐喇

最近起yahoo拍賣網度bid左一架combi既bb車,幾大架,又闊落,都只係$800,希望焯楠會鐘意坐啦!!

嘟咀既蕭腩仔

嘟咀既焯楠,好可愛呀!!

Tuesday, January 01, 2008

打邊爐

今日係08年既第一日,家茵同烽哥上左黎打邊爐同探蕭腩仔,仲影左張合照潻!!