小天悅

今日去左舊同事屋企，探望佢個初生ＢＢ＂天悅＂，好可愛呀，肥嘟嘟！

天悅既意思係＂天父所喜悅的＂，好有意思呀！！

焯楠仔十三個月大喇

自從焯楠仔過左一歲之後,不知不覺間發覺佢識左好多野咁,令到我地感到好開心呀,十三個月大既焯楠有以下成長:

(1)已經識行喇,仲行得越黎越穩陣
(2)識Please
(3)識飛吻
(4)識請請
(5)識Hello
(6)當聽到我地話"覺覺豬"喇,佢會即刻訓起張床度或者趴起我地度
(7)識拜拜
(8)玩完玩具,識執返玩具去膠箱度
(9)識聽我地既指令,例如"執個波波比媽媽",佢會走去拎個波波比我
(10)當我叫"俾俾媽媽",佢會將手中既物件交比我
(11)識叫"爸爸","媽媽","bb呀",同埋一大堆太空話
(12)當有樣物件唔見左,佢會識得攤開雙手示意唔見左
(13)識得分辨邊個係"爸爸","媽媽","工人"

好開心見到焯楠仔有這些成長,不過我仍然希望焯楠仔起飲奶方面有進步就更加好喇!!

焯楠仔好鐘意照鏡呀

十三個月大既焯楠,平時起屋企好鐘意行黎行去,而佢每日既指定動作就係行去鏡面前照一照,有時會對住鏡中既自己起度傻笑,好攪野呀!!

焯楠仔黎緊會有新床訓喇

自從焯楠仔病完之後,焯楠仔夜晚既睡眠質素開始下降,過去果個星期,焯楠仔幾乎晚晚都醒,令到我同老公感到相當疲累,有見及此,再加上焯楠仔已經一歲大,我同老公決定黎緊既時間,將焯楠仔搬過去同工人一齊訓,由於書房比較細,焯楠仔訓開既bb床都唔能夠放入去,所以我地琴晚去左大埔訂做一張子母床,焯楠仔訓上面,而工人就訓下面,我地想開始訓練焯楠仔訓單人床,希望佢會適應啦,而我地亦可以有覺好訓呀!!

焯楠仔入左醫院呀

話說焯楠仔前晚半夜燒得犀利左,我同老公都決定即刻帶焯楠仔去仁安醫院,經過急証室醫生檢查後,最後都係需要入醫院住一晚,攪完一輪入院手續後,我地就上7樓兒科病房,上到去有個兒科醫生已經起度stand by,再次檢查時,醫生話焯楠有些少氣促,喉嚨有少少紅,但精神ok,所以都係留院觀察,無做任何check up,琴日起醫院一日,姑娘會定時定候入房幫焯楠仔探熱同量血壓,之後派藥,實際都只係起醫院等兒科醫生黎巡房,醫生話如果焯楠仔無再燒的話,焯楠仔就可以出院,到左傍晚六時,醫生再次巡房,佢話焯楠仔仲有少少燒,建議焯楠仔留多一晚抽血檢查,我同老公考慮左一陣,最後都係決定出院,因為我地眼見焯楠仔精神ok,又會訓同食(除左飲奶),所以都係想帶焯楠仔返屋企,等我地自己觀察,返到屋企時,開始發現焯楠仔既手,腳開始出紅疹,而發燒就開始慢慢退,可能係出玫瑰疹or一歲針既反應(發燒+出疹),呢幾日都要繼續觀察焯楠仔既情況,希望佢出完疹後會快些康復啦!!

凌晨四點半,焯楠仔剛剛睡著!!

焯楠仔病到了

自從27/10打完一歲針之後,焯楠仔到依家仍然病緊,眼見佢咳得好犀利,有好多痰時,所以今朝決定帶焯楠仔去仁安睇多一次醫生,經過醫生檢查,醫生認為唔關一歲針事,而係一些病毒感染,建議焯楠仔即時入院檢查,我考慮左一陣,我都reject左,因為我擔心醫院有好多病菌,同埋我想食左新既藥再睇下焯楠仔既情況先決定係咪需要入院,最後醫生開左抗生素同其他藥比我,幫我book了兒科覆診,醫生還叮囑我呢幾日如果焯楠仔仍keep住低燒或者再燒得更高,就必需要立即帶他返醫院,幸好醫生話焯楠仔好精神,不過係食奶方面差些,訓覺咳得好勁,希望焯楠仔快些康復啦,很擔心呀!希望今次既藥可以幫助到焯楠仔好返啦!!!