焯楠仔黎緊會有新床訓喇

自從焯楠仔病完之後,焯楠仔夜晚既睡眠質素開始下降,過去果個星期,焯楠仔幾乎晚晚都醒,令到我同老公感到相當疲累,有見及此,再加上焯楠仔已經一歲大,我同老公決定黎緊既時間,將焯楠仔搬過去同工人一齊訓,由於書房比較細,焯楠仔訓開既bb床都唔能夠放入去,所以我地琴晚去左大埔訂做一張子母床,焯楠仔訓上面,而工人就訓下面,我地想開始訓練焯楠仔訓單人床,希望佢會適應啦,而我地亦可以有覺好訓呀!!