終於返工喇

兩個半月既悠長假期終於結束喇,今日係返工既第三日,好忙!!!好忙!!!因為我放假期間,將我手頭做開既工作交左比另外一位既男同事,佢竟然一樣野都無幫我做過,仲將起呢兩個月既文件原原本本交返哂比我,真係好嬲,都唔知有無攪錯,所以呢幾日起公司好忙,好多手尾要執返,返到屋企真係好攰,幸好老公好幫手,夜晚完全唔需要我去餵奶,等我可以早些上床休息,不過見佢都辛苦,因為朝早果餐奶都係由佢去餵(因為我早出門口),實在感激有老公既幫忙同體諒!!!!

不過每日放工見到焯楠,都係好開心,因為佢依家又成長左,隨左同佢玩佢會識得笑之外,依家佢可以用手揸住個搖鈴一陣,又可以將隻手放入口裡面,仲會發出er er are are既聲音,好攪笑架,睇見佢有呢d成長,確實好開心同安慰!!