焯楠病病了

早兩日焯楠病病了,發燒+流鼻水,幸好起佢發出之前已經餵定焯楠食藥,所以今次只係病左兩日就好返喇!!

專心睇書

睇下焯楠幾專心去睇書!!

焯楠7個月大喇

唔覺唔覺焯楠今日7個月大喇,焯楠越黎越可愛,亦都越黎越盞鬼,好好玩,7個月大既焯楠,有以下既成長:

(1)已經坐得好穩陣,唔會再左搖右擺
(2)腳仔比之前更加有力,常常企起身un un un
(3)更加準確地拎到物件/玩具,然後即刻擺入口,哈哈
(4)可以食到一餐粥仔
(5)對爸爸媽媽既說話,動作,有好大既反應(笑or叫)
(6)玩得開心時,終於聽到焯楠笑到卡卡聲
(7)開始牙牙學語,好鐘意講野,亦都好鐘意叫
(8)訓覺鐘意打側身,可能覺得呢個睡姿舒服卦

好開心見到焯楠有呢d既成長,期望黎緊既時間,可以繼續不斷發掘焯楠更多既成長啦:)

Happy Mother Day

今日係母親節,很感激今年自己能夠成為媽媽,去渡過我人生第一次既母親節,今晚同老公&焯楠去左新城市食壽司,好彩我地早去攞位,我地一入座,已經有好多人起度等位喇!!

牙仔餅

自從五個幾月開始,每逢比焯楠拎住玩具時,佢都好鐘意乜野都放入口咬,無論手指,紗巾,玩具,通通都唔放過,唔知係咪想出牙,牙肉痕,所以成日都搵野咬,有見及此,我就決定買牙仔餅比焯楠咬,等佢舒緩下牙肉既唔舒服啦!!

睇下焯楠食得幾開心!

焯楠有18.4磅喇

今早老公同工人帶焯楠去健康院打針,六個月既重量有18.4磅,屬於中大碼BB,連姑娘都話焯楠重呀,之後測試焯楠坐同企,姑娘話焯楠坐得穩陣同腳仔好有力,企得好好,好開心見到焯楠有呢d成長!!!