火車鐵路博物館

今日完左崇拜之後同查經班一齊去左大埔墟火車鐵路博物館影相,好開心!!

焯楠六個月大喇

轉眼間焯楠今日已經六個月大喇,時間過得好快,琴日放工返到屋企,看見焯楠已經可以好輕鬆地反身,唔需要我地既幫助,對於我地黎講係一個好大既驚喜同鼓勵,而焯楠琴日都有一個新嘗試,就係開始食粥仔喇,感激婆婆一早上黎教工人煲鯇魚粥,開頭焯楠都係十分之抗拒,喊哂口咁,令到工人不知所措,但經過一番鼓勵焯楠之下,佢可以食到半碗粥仔,都已經好令我安慰喇,焯楠仔,加油呀,前面仲有好多美食等住你架,要努力嘗試呀,哈哈!!!

今晚我地買左蛋糕同焯楠慶祝半歲生日,好開心!!

自定嬰兒睡眠測試

早排起Johnson Baby網站見到呢個"自定嬰兒睡眠測試",立即為焯楠測試一下佢既睡眠質素,測試結果屬於ok,但我一直覺得焯楠既睡眠質素係麻麻地,因為佢每晚都會醒一至兩次,有時又會周身郁,我地都唔知點解會咁,佢絕少可以一覺訓天光而中間係唔會醒,所以做完呢個測試,佢既結果係ok時,我都覺得有些少唔信,哈哈!!

大家有時間不妨為你地既寶寶做下測試,睇下佢地既睡眠質素如何啦.

http://www.johnsonsbaby.com.hk/sleep.aspx?happysleep=1

喜樂焯楠

五個半月大既焯楠,係一個好鐘意笑既bb,無論眼定定望住佢,叫佢個名,同佢玩,焯楠都會以一個微笑來回應我地,好鼓勵,希望佢長大後仍然會keep住呢份喜樂既性格,用佢既笑容去鼓勵身邊既人!!