焯楠笑得好開心

難得影到焯楠笑得咁開心,好可愛呀!!

工人就到喇

不知不覺間申請工人差唔多有三個月既時間,前日終於收到入境處電話通知工人個visa已批,agent預計工人會起10/3果個星期黎到,心情有些緊張,因為第一次請工人,好多野都唔知,亦都擔心工人個品格會係點,佢會唔會愛錫蕭腩仔,用心去照顧佢,不過都唔擔心得咁多,唯有不斷去祈禱,希望佢會係一個合我心意既工人啦!!

由於工人就到,我地屋企都要作出一些改動,就係將我屋企書房果度房門更改,呢幾日裝修師父開始動工,手工都唔錯,希望下個星期可以完工啦!!

大少沖涼

你地睇下焯楠沖涼沖得幾嘆呀,好似大少爺呀,哈哈!!

焯楠可以抬起頭喇

最近不斷訓練焯楠學習抬起頭,佢終於成功喇,叻叻!!

渣打馬拉松

今日係一年一度既盛事"渣打馬拉松",老公今年参加左半馬拉松,今朝一早五點鐘起身,吃過飯和薯蓉後便出發到尖沙咀,而我就帶住焯楠由沙田去到維園終點迎接老公回來,一路等就一路見到有熟識既面孔經過,而現場既氣氛都好好,當每一個健兒邁向終點時,在旁有好多人為到跑回來既人打氣,真的好鼓勵,等左一陣,終於見到老公返黎,而老公亦都可以起指定時間內完成,Amen !!

拜年新裝

今晚要去太婆度拜年呀,所以今日我要著靚d呀!!

蕭腩仔賀新春

蕭腩仔起樹祝大家新年快樂,開開心心,身體健康,笑口常開!!

始終"你"最好

近排天氣非常之凍,日日都係得果幾度,所以攪到焯楠塊面仔又甩皮,又紅book book,之前用過幾隻cream,都未能夠令到焯楠塊面仔滑一滑,早幾日同個同事傾開計,我將焯楠既情況話左比佢知,我個同事就介紹我去watson度買"花士令"比焯楠搽,佢覺得"花士令"夠平又夠潤,好岩呢d天氣,於是我前日放工就去買左,返到屋企幫焯楠搽,果然無再咁乾,開始回復返佢清靚白淨既一面,不過我地都不能夠掉以輕心,呢幾日就繼續幫佢搽,效果真係唔錯喎,起碼佢塊面仔甩皮無甩得咁犀利,果然係"平野有好野呀",等我仲之前去試唔同既cream,依家焯楠塊面仔好左好多喇!!