中碼B變成中碼大B

上星期六晏晝去左檢查,醫生話B仔成長左好多,由上個月既中碼到今個月B仔已經去到中大碼喇,之前一直都係細一週,但醫生話B仔已經追得返個週數,依家有兩磅,出世時好大機會有7磅幾呀,好開心見到B仔不斷健康去成長,而果日B仔都好合作,照超聲波時無訓到覺(因為之前幾次檢查時,佢都訓左,攪到我要出去急步行完再返去照,用左好多時間),另外,我既血糖報告出左,感激神,我既血糖指數屬於正常,AMEN !!

結婚六週年紀念

今日係我同老公結婚六週年紀念,時間過得好快,轉眼間已經踏入第六個年頭,今晚同老公去左麗豪酒店食日式放題,好好味,而且我地仲有六折優惠,好抵架!!

今年將會係我地兩個人過埋最後一年結婚週年,因為B仔將會黎緊十月出世,好感激神比我地有呢份最大既禮物,我同老公都好期待B仔既來臨,感激老公過去既時間,時常擔起照顧我既責任,他亦會睇好多書去裝備自己,去學做一個好爸爸,很欣賞佢呢份心!!