一歲針

闊別半年既健康院今日再次踏足喇,皆因今日要帶焯楠仔返健康院打一歲針,我地仲見到丁丁妹妹潻,一歲既焯楠有以下既成長:

體重: 9.46kg = 20.8磅(比之前好似輕左),不過姑娘話焯楠重得好好
小肌肉發展: 姑娘比左兩粒星星餅給焯楠,目的係想睇下焯楠識唔識用手指公去拎,開頭焯楠望左姑娘一陣,好似唔敢拎,最後佢都可以用左手同右手既手指去拎餅,叻叻呀!
放積木: 姑娘比左兩個積木給焯楠,想睇下佢識唔識放入個盒度,最後當然佢係識啦,哈哈,又比個叻字你先

之後,姑娘都係問返焯楠一些飲食習慣,玩咩玩具呀,識唔識行呀,識唔識講野呀...等等,問完後就等叫名入房打針,老公話焯楠入到去開始掙扎,好似知道自己要打針,打完之後,都喊左起碼超過五分鐘,係焯楠有史以來打完針後喊得最耐既一次,姑娘話一歲針都有副作用:發燒+出疹,不過唔係個個bb都會有既,當然我都希望焯楠仔打完針之後唔會有任何副作用啦!!