爆喇.....爆喇....

期待已久既牙仔終於出現喇,早早兩個幾星期前,已經發現焯楠仔上面有些少踵,之後就開始見到有一點白色,原來係牙仔呀,到左今日,焯楠仔上面隻門牙仍然出緊,仲未出得哂呀,起呢個時候,焯楠仔下面又開始出牙,一係唔出牙,一出就出幾隻,唔怪之得最近焯楠仔特別摟計啦,簡直起屋企係一個小魔怪呀...

成日都好想影低焯楠仔隻牙牙,但佢完全唔比我地睇,仲要張個口合到實一實,試過等佢訓左擘大佢個口,佢個本能反應將條脷仔卷上,都係唔比我地睇,所以暫時未能影到焯楠仔既出牙照,如果我有機會影到,會再post上blog比大家睇睇!!