Day 1 : 到左泰國喇

搭左兩個幾鐘頭飛機,終於到左泰國喇,感激Jason & Karen黎送我機,當我去到泰國時已經九點幾喇(泰國時間,比香港慢一個鐘),老公起機場等左我兩個幾鐘,一出境見到佢,真係好開心,由機場坐的士去酒店,都只不過係港幣四十幾蚊,坐左半個鐘度,去到酒店,休息一會,我地就出左去搵野食,坐左一個火車站,去食街邊既燒肉飯,真係好好味喎,舊燒肉好脆,我地兩個叫左一個燒肉飯,燒肉米粉,一支百事,都只係港幣13蚊,真係好抵呀,由於附近無乜野行,加上我有些攰,所以我地就返左酒店,搭火車都係港幣2蚊,超抵呀....